“Suriyadakı eskalasiya “Ukraynanın izi” olmadan keçmədi. Terrorçular arasında postsovet məkanından olanlar da var”.
Elchi.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
O, əlavə edib ki, Rusiya Xarici İşlər Nazirliyi İdlibdə törədilən terror aktlarını pisləyir.
“Diqqətinizi ona çatdırmaq istərdik ki, əcnəbi döyüşçülər, o cümlədən postsovet məkanından olanlar arasında açıq-aşkar qondarma Ukrayna izi var idi”, – Zaxarova brifinqdə deyib.
Cümə günü, noyabrın 29-da “Həyat Təhrir əş-Şam” qruplaşması (Rusiya Federasiyasında qadağan olunub) müttəfiqləri ilə birlikdə Hələb və Həma şəhərlərini ələ keçirmək məqsədi ilə Suriyanın İdlib əyalətində hücum əməliyyatına başlayıb. Ertəsi gün terrorçular beynəlxalq hava limanı və Quires hərbi aerodromunun yerləşdiyi Hələb və onun ətrafını tamamilə zəbt etməyə nail olublar. Həma istiqamətində hücum Suriya hökuməti və müttəfiqlərinin qoşunları tərəfindən dayandırılıb və dekabrın 1-də silahlıların mövqelərinə əks-hücum başlayıb.
Suriyalı terrorçuların pilotsuz uçan aparatlarını öyrənən hərbi şirkətin əməkdaşı RİA Novosti ilə söhbətində əmin olduğunu bildirib ki, Suriyadakı yaraqlılar Ukrayna Silahlı Qüvvələri ilə eyni taktikadan istifadə etdikləri üçün Ukrayna xüsusi xidmət orqanları tərəfindən təlim keçiblər.
Yeganə
