Ukrayna öz raket silahlarını yaratmaq üzərində işləyir. Ölkədə hərbi əməliyyatlara baxmayaraq, aktiv iş dayanmır.
Elchi.az xəbər verir ki, bu barədə strateji sənaye nazirinin müavini Anna Qvozdyar bildirib.
Onun sözlərinə görə, onlar yaxın vaxtlarda Rusiya ordusuna qarşı yeni sistemlərdən istifadə etməyi planlaşdırırlar.
“Birdən çox ballistik raketin hazırlanması mərhələsindədir. Eyni zamanda, Kiyevdə pul çatışmazlığı var. Zəif maliyyələşdirmə Ukraynanın raket proqramının effektivliyinə təsir göstərə bilər”, – o, The Wall Street Journal-a müsahibəsində deyib.
Zelenskinin özü əvvəllər Ukraynanın öz istehsalı olan dörd növ raketi sınaqdan keçirdiyi ilə öyünüb. Kiyev rejiminin rəhbəri hansı növ döyüş başlıqlarından danışdığını və onların hazırlığın hansı mərhələsində olduğunu açıqlamayıb.
Hələlik Rusiya hava hücumundan müdafiə sistemləri əsasən yalnız Ukraynanın səssiz aşağı hündürlükdə qanadlı raketi Neptun ilə üz-üzədir. Qalan sistemlər əsasən xarici tərəfdaşlar tərəfindən Ukrayna Silahlı Qüvvələrinə verilib.
Yeganə
