Rusiya Dövlət Dumasının sədri Vyaçeslav Volodin “Rossiya 24” telekanalına müsahibəsində deyib ki, ABŞ prezidenti vəzifəsini tərk edən Co Baydenin qərarları bütün dünyaya və xüsusən də Avropaya zərər verir.
Elchi.az-ın xəbərinə görə, o, qeyd edib ki, Bayden əvvəlcə prezident postunu tərk etmək niyyətində deyildi.
İndi o, gələcək Donald Tramp administrasiyası üçün mümkün qədər çox problem yaratmaq niyyətindədir.
“Onun bütün hərəkətləri bundan danışır: nə qədər pis olsa, onun üçün bir o qədər yaxşıdır, lakin bu halda, bütün dünya üçün daha pisdir, eyni amerikalılar üçün daha pisdir və təbii ki, ən çox əziyyət çəkən Avropadır” dedi Volodin. Noyabrın 17-də “The New York Times” qəzeti yazıb ki, ABŞ prezidenti Co Bayden Ukraynaya Rusiyaya qarşı Amerikanın uzaqmənzilli ATACMS raketlərindən istifadə etməyə icazə verib. Noyabrın 19-da Kiyev bu raketlərlə Bryansk vilayətinə hücum edib.
Yeganə
