2024 YR4 asteroidinin 2032-ci ildə Yerlə toqquşma ehtimalının 2,3 faiz olduğu bildirilir. Amma yeni hesablamalara görə, bu asteroidin Aya dəymə şansı daha da aşağı ola bilər.
Elchi.az xəbər verir ki, bir şəhəri məhv edəcək qədər böyük olan asteroidin 2032-ci ildə Yerlə toqquşma ehtimalı var və bu ehtimal fevralın 7-də NASA alimləri tərəfindən 1,2 faizdən 2,3 faizə qaldırılıb.
Asteroidin eni təxminən 55 metrdir və saatda 48 min kilometr sürətlə hərəkət edir. Bu ölçüdə bir asteroid bəşər sivilizasiyasını məhv etmək üçün kifayət qədər böyük olmasa da, böyük bir şəhəri məhv etmək üçün kifayət qədər təsirə malikdir.
Zərbə zamanı təxminən 8 meqaton enerji buraxıla bilər ki, bu da Xirosimaya atılan atom bombasının buraxdığı enerjidən 500 dəfə çoxdur.
Şayəstə Hüseynova
