Rusiya prezidenti Vladimir Putinə ölkə sakinlərinin 78,8 faizi etimad göstərir və əksəriyyət də onun işini bəyənir.
Elchi.az xəbər verir ki, bu barədə VTsIOM sorğusunun nəticələrində qeyd olunub.
Sorğunun nəticələrindən belə çıxır ki, respondentlərin 76,3 faizi dövlət başçısının fəaliyyətini bəyənir. Bundan əlavə, ruslar hökumətin və baş nazirin işini müsbət qiymətləndiriblər – belə qiymətləndirmənin səviyyələri müvafiq olaraq 51,8 və 50 faiz təşkil edib.
Sosioloqlar sorğunu noyabrın 5-dən noyabrın 10-dək cib telefonlarının təsadüfi nümunəsindən istifadə edərək telefon müsahibəsi vasitəsilə aparıblar. Tədqiqatda 1600 respondent iştirak edib. Oktyabrın 28-dən noyabrın 3-dək rusların prezidentə etimadının səviyyəsinin 79 faizi ötdüyü daha əvvəl bildirilmişdi. Respondentlərin 79,4 faizi siyasətçiyə inamını ifadə edib ki, bu da əvvəlki həftənin göstəricilərini 1,3 faiz üstələyib.
Yeganə
