Harvard tədqiqatı göstərib ki, Hind-Avropa xalqlarının mənşəyi 5 min il əvvəl Ukraynada yaşamış Yamnaya xalqına gedib çıxır. Yamnayalar öz genetik irsini bütün Avropa və Asiyada yayaraq 400 dilin əsasını qoydular.
Elchi.az xəbər verir ki, Genetik Devid Reyx və Harvard Tibb Məktəbindən komandası DNT analizi nəticəsində Hind-Avropa xalqlarının 5000 il əvvəl Ukraynada yaşamış Yamnaya xalqından törədiyini ortaya çıxarıb.
Tədqiqat çərçivəsində Avropanın 100 fərqli bölgəsindən təxminən 450 prehistorik şəxsin DNT nümunələri araşdırılıb. Daha əvvəl əldə edilmiş 1000 genetik məlumat da araşdırmaya daxil edilib.
Nature elmi jurnalında dərc edilən araşdırmada genetik tapıntılar arxeoloji və linqvistik məlumatlar ilə müqayisə edilib. Əldə edilən nəticələrə görə, B.C. Eramızdan əvvəl 3000-ci ildən əvvəl Volqa çayından Ukrayna çöllərinə köç edən xalqın orada yaşayan icmalarla qarışaraq Yamnaya əmələ gətirdiyi müəyyən edilmişdir.
Yamnayaların ilk yaşayış məntəqələrindən biri olan Mixaylivka obası (Ukrayna) hazırda Rusiyanın işğalı altındadır. Alimlər deyirlər ki, buradan Yamnaya öz genetik irsini Portuqaliyadan Monqolustana daşıyaraq Avrasiyaya yayılıb.
Yamnaya mədəni və genetik irsi
Araşdırmaya görə, Yamnaya təkcə Avropanın deyil, bütün dünyanın demoqrafik strukturuna təsir edib. Harvard Universitetindən David Reich bu miqrasiya hərəkatı üçün aşağıdakı ifadələrdən istifadə edir:
“Yamnayalar Avropanın və nəhayət, dünyanın əhalisini dəyişdirdi.”
Bu gün dünyada təxminən 4 milyard insanın bu nəsildən gəldiyi təxmin edilir.
İsveçin Göteborq Universitetinin Yamnaya eksperti Kristian Kristiansen deyir ki, bu yayılma müasirdən əvvəlki qloballaşmanın əsasını qoydu.
Araşdırmada, ümumiyyətlə düşmən kimi görülən Romalılar, Keltlər, Farslar və Makedoniyalıların da bu genetik və mədəni irsi paylaşdığı bildirilir.
Yamnayaların danışdığı dilin latın, yunan, ingilis, rus, urdu və alman dilləri də daxil olmaqla 400-ə yaxın dilin əcdadı olduğu da vurğulanır. Estoniyadakı Tartu Universitetinin DNT tədqiqatçısı Lehti Saaq deyir ki, dilin mənşəyi təkcə genetik məlumatlarla müəyyən edilə bilməz.
Şayəstə Hüseynova
