Alimlər Antarktida üzərindəki ozon dəliyinin insan səyləri sayəsində sağaldığını təsdiqləyiblər.
Elchi.az xəbər verir ki, Stratosferdə təbii olaraq yaranan ozon Yeri Günəşin zərərli ultrabənövşəyi (UV) şüalarından qoruyan qalxan rolunu oynayır. Ancaq 1985-ci ildə Antarktida üzərində bir ozon dəliyi kəşf edildi və bu, sentyabr-dekabr ayları arasında aydın oldu. Bu mövsümi seyreltmə daha çox zərərli UV şüalarının səthə çatmasına imkan verdi və dəri xərçəngi kimi sağlamlıq problemlərinə səbəb oldu.
ABŞ Milli Okean və Atmosfer Administrasiyasında çalışan alim Susan Solomon və onun komandası apardıqları araşdırmalar nəticəsində bu dəliyin xloroflorokarbonlar (CFC) hesabına əmələ gəldiyini müəyyən ediblər. CFC-lər kondisioner, soyuducu sistemlər və aerozol spreylərində geniş istifadə olunurdu. 197 ölkənin imzaladığı Monreal protokolu çərçivəsində bu zərərli qazların mərhələli şəkildə qadağan edilməsinə qərar verilib.
“Bu, ekoloji problemləri həll edə biləcəyimizin sübutudur”
Real peyk müşahidələri ilə müqayisələr cəmiyyətlərin gördüyü tədbirlər sayəsində ozon dəliyinin sağaldığını təsdiqlədi.
“95 faiz əminliklə deyə bilərik ki, ozon dəliyi sağalır. Bu, gözəl inkişaf və ekoloji problemləri həll edə biləcəyimizin sübutudur”, – Solomon deyir.
Alimlər hesab edirlər ki, hazırkı bərpa prosesi davam edərsə, ozon dəliyi 10 il ərzində tamamilə bağlanacaq. “Biz Antarktidadakı ozon dəliyinin heç də incəlmədiyi 2035-ci ili görə bilərik” Solomon deyib.
“Ömrünüz ərzində ozon dəliyinin tamamilə yox olduğunu görəcəksiniz. Və biz insanlar bunu etdik.”
Şayəstə Hüseynova
