HƏMAS, İsrailin ifrat sağçı maliyyə naziri Bezalel Smotriçin Qəzza zolağına “bir buğda dənəsi belə” girməsinə icazə verməyəcəklərinə dair açıqlamalarının İsrail hökumətinin Fələstin xalqını aclıqdan öldürmək siyasətinin açıq bəyanı olduğunu bildirib.
Elchi.az xəbər verir ki, HƏMAS məsələ ilə bağlı açıqlamasında belə deyib: “Terrorçu nazir Smotriçin bir dənə də olsun buğda dənəsi belə Qəzzəyə girməyəcəyi ilə bağlı bəyanatı İsrail hökumətinin Qəzzada iki milyondan çox fələstinlini aclıqdan məhrum etmə siyasətinin açıq bəyanıdır. Bu, dünyanın gözü qarşısında törədilmiş tam hüquqlu hərbi cinayətdir”. deyib.
Açıqlamada İsrail hökumətinin törətdiyi vəhşi cinayətlərlə “aclıq siyasəti” həyata keçirdiyi bildirilib. Bu vəhşi cinayətlərin sonuncusu “Xan Yunisdə məcburi köçkün fələstinlilərə yemək paylayan şorbaxananın bombalanması və 7 nəfərin ölümü” olduğu bildirilir.
Smotriç İsrail ordusunun bəzi humanitar yardımların Qəzzaya girməsinə icazə verəcəyi ilə bağlı iddiaları təkzib edərək, “Qəzzəyə bir buğda dənəsi belə buraxılmayacaq” deyib.
İsrail Qəzzada atəşkəs və əsir mübadiləsi sazişinin birinci mərhələsi başa çatdıqdan sonra martın 2-də Qəzza zolağına humanitar yardım axınını dayandırıb.
Şayəstə Hüseynova
