Sentyabrın əvvəlindən Çinin əsas fond indeksi CSI 300 təxminən dörd faiz azalıb, ilin əvvəlindən isə azalma artıq demək olar ki, yeddi faiz təşkil edib.
Elchi.az xəbər verir ki, bu barədə “Bloomberg” yazır.
2021-ci ildə pik həddinə çatdıqdan sonra Çin şirkətlərinin səhmləri artıq 6,5 trilyon dollar dəyər itirib. Bu məbləğ bütün Yaponiya fond bazarının həcmi ilə müqayisə edilə bilər .
Bu il, tendensiya kəskin şəkildə dəyişməsə, CSI 300 üçün dördüncü düz enişlə başa çata bilər. İndeks hazırda 2019-cu ilin əvvəlindəki səviyyələrə yaxındır, baxmayaraq ki, Yaponiya, ABŞ və Hindistanda meyarlar o vaxtdan iki dəfə artıb.
İnvestorlar biznes üzərində dövlət nəzarətinin artması, eləcə də milli iqtisadiyyatın üzləşdiyi bir sıra problemlər səbəbindən Çin səhmlərini tərk edirlər. Daşınmaz əmlak böhranı gözləntiləri azaldır, bundan əlavə, artan geosiyasi gərginlik pulları daha etibarlı aktivlərə köçürməyə məcbur edir.
Nuranə Məmmədova
