Avropada inqilabi nəqliyyat vasitəsi kimi görülən elektrikli uçan taksilər maliyyə çətinlikləri səbəbindən gözlənilən sürətlə inkişaf edə bilmir. Xüsusilə Almaniyada fəaliyyət göstərən Volocopter və Lilium kimi şirkətlər ciddi nağd pul problemi ilə üzləşirlər.
Elchi.az xəbər verir ki, Volocopter builki Paris Olimpiadasında iki nəfərlik elektrikli VoloCity təyyarəsini buraxmağı planlaşdırırdı. Lakin bu vizyon həyata keçirilə bilmədi və şirkət yalnız tanıtım uçuşları təşkil etdi.
Şirkət aprel ayında Almaniya hökumətindən 100 milyon avro kredit almağa çalışdı, lakin bu cəhd uğursuz oldu.
İndi Volocopter Çin avtomobil istehsalçısı Geely-nin 95 milyon dollarlıq sərmayə qarşılığında şirkətin 85 faizini alacağını gözləyir. Bloomberg-in məlumatına görə, bu razılaşma əldə olunarsa, gələcək istehsal Çinə keçə bilər.
Şayəstə Hüseynova
