Rusiyanın “Ukrayna limanlarına gedən bütün gəmilər “potensial hərbi yükdaşıyıcı” kimi qiymətləndiriləcək” açıqlaması gündəmdədir. ABŞ Rusiyanın Qara dənizdə mülki gəmilərə hücum edə biləcəyini iddia edib. Rusiyaya qarşı yeni sanksiyalar əlavə edilib.
Elchi.az xəbər verir ki, Rusiyanın Taxıl Dəhlizi Sazişindən çıxması ilə gözlər Ukrayna limanlarına çevrilib.
Moskva administrasiyası bəyan edib ki, Ukrayna limanlarına gedən bütün gəmilər “potensial hərbi yükdaşıyanlar” hesab olunacaq.
Ağ Ev Milli Təhlükəsizlik Şurasının sözçüsü Con Kirbi Rusiyanın Qara dənizdə mülki gəmilərə hücum edə biləcəyini iddia edib.
Rusiyaya qarşı sanksiyalar genişlənir.
Vaşinqton administrasiyası Rusiyanın döyüş texnikasına çıxışının qarşısını almaq üçün 18 şəxsə və onlarla təşkilata sanksiya tətbiq edib.
Avropa Birliyi bəzi hərbi rəsmilərə, 12 nəfərə və 5 təşkilata sanksiya tətbiq ediləcəyini açıqlayıb.
Avstraliya həmçinin müdafiə, texnologiya və enerji sektorlarında 35 Rusiya təşkilatına sanksiya tətbiq etmək qərarına gəlib.
Zaporojya Atom Elektrik Stansiyası ilə bağlı inkişaflar da gündəmdədir.Beynəlxalq Atom Enerjisi Agentliyinin prezidenti Rafael Qrossi agentliyin mütəxəssislərinin AES-də əlavə yoxlama və ekspertiza apardığını bildirib.O, indiyədək heç bir ağır hərbi texnika, partlayıcı və mina aşkar edilmədiyini bildirib.
Şayəstə Hüseynova
Son şərhlər