ABŞ-ın keçmiş prezidenti Donald Tramp Ukrayna prezidenti Vladimir Zelenskini sərt tənqid edərək, Ukraynanın Rusiya neft emalı zavodlarına hücumları bərpa etməsini “biabırçılıq” adlandırıb.
Elchi.az xəbər verir ki, “Newsmax”a müsahibəsi zamanı bu məsələ ilə bağlı suala cavab verən Tramp, bunun yanacaq qiymətlərinin artmasına səbəb olduğunu vurğulayaraq deyib: “Bu, biabırçılıqdır! Hədəf almaq üçün başqa o qədər yer var ki…”
Rusiyanın Ryazan vilayətindəki neft emalı zavoduna pilotsuz uçuş aparatı (PUA) ilə edilən hücum, Trampın bazar günü Moskva və Kiyevin “enerji atəşkəsi” barədə razılığa gəldiyini elan etməsindən sonra Rusiya enerji obyektinə qarşı həyata keçirilən ilk belə hücumdur.
Zelenskinin addımlarının yalnız qlobal neft qiymətlərinin artmasına xidmət etdiyini iddia edən Tramp, Ukrayna lideri ilə işləməyin Vladimir Putinlə işləməkdən daha çətin olduğunu bildirib.
Tramp iddia edib ki, Ukrayna prezidentinin razılaşma əldə etmək üçün heç bir səmimi istəyi yoxdur, o, sadəcə maraqlıymış kimi davranır.
Cümə axşamı verdiyi açıqlamada Zelenski Trampın elan etdiyi “enerji atəşkəsi”ni şübhə altına alıb. O, Rusiya neft emalı zavodlarına hücumların davam edəcəyini bəyan edib və Trampı müharibədə “təcavüzkar”ın tərəfini tutmamağa çağırıb.
Şayəstə
