ABŞ prezidenti Tramp: “İran onlara imzalamalarını söylədiyim “sazişi” imzalamalı idi. Sadə dillə desək, İranın nüvə silahı ola bilməz. Mən bunu dəfələrlə demişəm, Tehranda hamı təcili təxliyə edilməlidir”, – deyə o bildirib.
Elchi.az xəbər verir ki, Truth Social hesabında İsrail və İran arasındakı gərginliklə bağlı yeni açıqlama verən Tramp bunları qeyd edib:
“İran imzalamalarını söylədiyim müqaviləni imzalamalı idi. Nə ayıbdır, böyük insanlıq itkisidir. İranın nüvə silahı ola bilməz. Mən bunu dəfələrlə demişəm. Tehrandakı hər kəs dərhal təxliyə edilməlidir”.
G7 Liderlər Zirvəsi üçün Kanadada olan Tramp bu yaxınlarda “İranda nüvə silahı görmək istəmirəm və bunun baş verməsi üçün lazımi addımları atırıq” demişdi.
Ağ Evin məlumatına görə, Trampın təxliyə mesajı danışıqlara ehtiyacın aktuallığını əks etdirir
CNN-ə danışan Ağ Ev rəsmisi Trampın “Truth Social” hesabında “Tehrandakı hər kəs dərhal təxliyə edilməlidir” açıqlamasına aydınlıq gətirib.
Rəsmi iddia edib ki, Trampın bəyanatı İsrail-İran gərginliyinin artdığı bir vaxtda “İranın masaya gəlmək ehtiyacının aktuallığını” əks etdirir.
Trampın Kanadanın ev sahibliyi etdiyi G7 Liderlər Zirvə Toplantısında olduğunu xatırladan səlahiyyətli, Trampın ABŞ dövlət katibi Marko Rubio və digər rəsmilərdən gündəliklə bağlı yenilikləri mütəmadi olaraq aldığını əlavə edib.
Şayəstə Hüseynova
