ABŞ Prezidenti Donald Tramp bəyan edib ki, əgər “Qrem qanunu” ilə nəzərdə tutulan Rusiya əleyhinə sanksiyalarını tətbiq etsəydi, Moskva Şəhər Məhkəməsi tərəfindən məkum edilmiş amerikalı Stiven Habbardın azad olunması ilə bağlı Rusiya ilə danışıqlar tamamilə dayandırılardı.
Elchi.az xəbər verir ki, o, bu barədə “Truth Social” şəbəkəsində yazıb.
“Əgər sanksiyalar tətbiq edilsəydi, təbii ki, bu danışıqlar tamamilə dayandırılardı”, — deyə o, bildirib.
Tramp Habbardın artıq evə qayıtdığını və onun azad edilməsi müqabilində Moskvanın heç nə tələb etmədiyini, onu Trampa “hörmət əlaməti olaraq” buraxdığını bildirib. O, həmçinin bu cür vəziyyəti “Rusiya üçün misli görünməmiş” adlandırıb: “Bu azadlıq üçün heç bir “məhbus mübadiləsinə” ehtiyac qalmadı”.
Oktyabrın 20-də Tramp telefon danışığı zamanı Rusiya Prezidenti Vladimir Putindən Habbardın həbsdən azad edilməsini xahiş etdiyini bildirmişdi. 2024-cü ildə Moskva Şəhər Məhkəməsi yaşlı amerikalını muzdlu döyüşçü kimi silahlı münaqişədə iştirak etməkdə (Rusiya Federasiyası Cinayət Məcəlləsinin 359-cu maddəsinin 3-cü hissəsi) təqsirli bilərək 6 il 10 ay müddətinə ümumi rejimli koloniya cəzasına məkum etmişdi. İstintaq və məhkəmə müəyyən etmişdi ki, Habbard 2014-cü ildən Ukraynada yaşayıb, 2022-ci ilin fevralında isə İzyum ərazi müdafiə batalyonu ilə müqavilə bağlayıb.
Məryəm
