Qəzza Bələdiyyəsi: Su tələbatının kəsiri yüzdə 76-nı aşır

Qəzza Bələdiyyəsi su çatışmazlığının 76%-ə çatdığını və yüz minlərlə köçkünlərin cəmləşməsinin epidemiya və yoluxucu xəstəliklər riskini artırdığını bildirərək, su sisteminin çökməsinin qaçılmaz olduğu barədə xəbərdarlıq edib.

Elchi.az xəbər verir ki, bu barədə Qəzza Bələdiyyəsinin sözçüsü Hüsnü Mohenna verdiyi açıqlamada bildirib.

Mohenna qeyd edib: "Qəzza şəhəri fəlakətli su çatışmazlığı ilə üz-üzədir və təcili müdaxilə edilməzsə, su sistemi tamamilə çökə bilər".

Bələdiyyə sözçüsü su qıtlığının 76 faizi keçdiyini bildirib və əlavə edib: "Hazırda Qəzza bələdiyyəsi gündə cəmi 24 min kubmetr su nəql edir, faktiki ehtiyac isə 100 min kubmetri ötür. Şəhərin qərb bölgələrindəki izdihamı nəzərə alsaq, bu vəziyyətin geniş yayılması ilə əlaqədar olaraq, minlərlə su itkisi var".

Qəzza şəhərindəki 96 su quyusundan yalnız 19-nun aktiv olduğunu vurğulayan Muhenna, İsrailin 56 quyunu istifadəyə yararsız hala gətirdiyini, 14 quyunun isə İsrail ordusunun hücumları səbəbiylə girişi çətin və təhlükəsiz olmayan bölgələrdə olduğunu bildirib.

Muhenna həmçinin bildirib ki, 7 su quyusu yanacaq, avadanlıq və texniki qulluq vasitələrinin olmaması kimi səbəblərdən istifadəsiz qalıb.

Yeganə