Hindistanın baş nazirinin milli təhlükəsizlik üzrə müşaviri Ajit Doval cümə axşamı Moskvada Rusiya Təhlükəsizlik Şurasının katibi Sergey Şoyqu ilə görüşündə bildirib ki, Rusiya prezidenti Vladimir Putinin Hindistana səfəri avqustun sonunda gözlənilir.
Elchi.az bu barədə “TASS”a istinadən xəbər verir.
“Biz indi çox yaxşı, çox qiymətləndirdiyimiz münasibətlər, ölkələrimiz arasında strateji tərəfdaşlıq qurmuşuq. Biz yüksək səviyyədə qarşılıqlı fəaliyyət göstəririk… Prezident Putinin avqustun sonunda ölkəmizə planlaşdırılan səfəri barədə məlumat almaqdan məmnun olduq”, – Doval deyib.
Hindistanın baş naziri Narendra Modi 2024-cü ilin iyulunda Moskvaya səfər edib. Səfər zamanı, xüsusən də 22-ci Rusiya-Hindistan illik sammiti keçirilib. Onun nəticələrindən sonra Modi Putini Hindistana səfərə dəvət edib. 2025-ci ilin mayında Kremlin mətbuat xidməti Modinin Putinə Hindistana səfər dəvətini təsdiqlədiyini və minnətdarlıqla qəbul edildiyini bildirdi.
Yeganə
