İsrail qüvvələri İordan çayının qərb sahilində bir fələstinlini öldürüb

İsrail ordusunun işğal altındakı İordan çayının qərb sahilində keçirdiyi reydlər zamanı bir fələstinli həyatını itirib.
Elchi.az xəbər verir ki, Fələstinin rəsmi agentliyi WAFA-da yer alan xəbərdə İsrail qüvvələrinin İordan çayının qərb sahilinin şimalındakı Nablus şəhərinə basqınlar təşkil etdiyi bildirilib.
Xəbərə görə, İsrail qüvvələri vətəndaşlara atəş açıb, basqınlar zamanı İsrail əsgərləri də bir uşağa hücum edib.
Xəbərdə İsrail qüvvələrinin Əmir Hanzi adlı 13 yaşlı fələstinli uşağı döyərək bir neçə saat saxladığı bildirilib.
Fələstin Səhiyyə Nazirliyindən verilən yazılı açıqlamada Nablusda İsrail gülləsi ilə həyatını itirən bir nəfərin cəsədinin xəstəxanaya gəldiyi açıqlanıb.
Buna uyğun olaraq, 7 oktyabr 2023-cü ildən bəri işğal altındakı İordan çayının qərb sahili və Şərqi Qüdsdə Fələstin torpaqlarını qəsb edən İsrail əsgərləri və israillilərin hücumlarında ölənlərin sayı 813-ə yüksəlib.
Fələstin Qızıl Aypara Cəmiyyətindən verilən açıqlamada basqınların keçirildiyi bölgədə bir fələstinli gəncin yaralandığı, lakin İsrail qüvvələrinin yaralıya tibbi qrupların çatmasına icazə verilmədiyi bildirilib.