Zelenski İstanbulda Rusiya ilə danışıqlarda Ukrayna nümayəndə heyətini genişləndirib.
Elchi.az xəbər verir ki, Prezident Vladimir Zelenski İstanbulda keçiriləcək Rusiya-Ukrayna danışıqlarının üçüncü raundunda iştirak edəcək Ukrayna nümayəndə heyətini genişləndirib. Müvafiq sərəncam onun ofisinin saytında dərc olunub.
Zelenski ombudsmanın nümayəndəsini və Ukrayna Silahlı Qüvvələri Baş Qərargahının daha bir nümayəndəsini nümayəndə heyətinə əlavə edib.
İndi Ukrayna nümayəndə heyəti 14 nəfərdən ibarətdir.
İyulun 19-da Zelenski bildirib ki, ölkənin Milli Təhlükəsizlik və Müdafiə Şurasının katibi Rustem Umerov Rusiya Federasiyasına gələn həftə danışıqların yeni raundunun keçirilməsini təklif edib. Ukrayna lideri vurğulayıb ki, danışıqların dinamikası artırılmalı və atəşkəsi dayandırmaq üçün hər şey edilməlidir.
Zelenski həmçinin əlavə edib ki, əldə olunan razılaşmalar liderlər səviyyəsində görüşlə birləşdirilməlidir. Onun sözlərinə görə, Ukrayna belə görüşə hazırdır.
Rusiya danışıqlar qrupundakı mənbə Kiyevin həqiqətən də danışıqların növbəti raundunun keçirilməsini təklif etdiyini təsdiqləyib. Mənbə başqa təfərrüatları açıqlamayıb.
Şayəstə Hüseynova
