BMT-nin baş katibi Antonio Quterreşin ABŞ-ın BMT-nin Təhsil, Elm və Mədəniyyət Təşkilatından (YUNESKO) çıxmaq qərarından dərin təəssüfləndiyi bildirilir.
Elchi.az xəbər verir ki, BMT-nin sözçüsü Stefan Dujarrik gündəlik mətbuat brifinqində jurnalistlərin mövzu ilə bağlı suallarını cavablandırıb.
ABŞ-ın qərarı ilə bağlı Düjarrik sadəcə olaraq, “BMT-nin baş katibi UNESCO-nun baş direktoru Odri Azule ilə birlikdə ABŞ-ın təşkilatdan çıxmaq qərarına görə dərin təəssüf hissi keçirir” deyə bildirib.
İsrailin xarici işlər naziri Gideon Saarın ölkəsinin BMT daxilində “ayrı-seçkiliyə məruz qaldığı” və İsrailə qarşı “ayrı-seçkiliyin” baş verdiyi iddiasına gəlincə, Düjarrik qeyd edib ki, nə BMT Katibliyinin əməkdaşları, nə də qurum rəhbərləri təşkilatın müxtəlif qanunverici orqanlarına nümayəndə heyətlərinin verdiyi bəyanatlara görə məsuliyyət daşıya bilməzlər.
YUNESKO-nun nöqteyi-nəzərindən Düjarrik vurğulayıb ki, Baş Direktor şəxsən antisemitizmlə mübarizənin ön cəbhəsindədir. Hər bir üzv dövlətin BMT sisteminin işləməsi ilə bağlı bəzi şikayətləri olduğunu hər kəsə xatırladan Dujarrik, “Bütün üzv dövlətlərə mesajımız budur: Bir şeyi dəyişdirmək istəyirsinizsə, iştirak edin” deyib.
Şayəstə Hüseynova
