Vaxtanq Kikabidze Putini “qara qüvvə”nin təmsilçisi və işğalçı adlandırdı

“Əgər mən gənc olsaydım, o zaman antiterror əməliyyatının üzvü kimi ölkənin şərəfini qoruyar və müqavimət göstərərdim”.

Musavat.com-un məlumatına görə, bu sözləri tanınmış gürcü aktyoru və müğənnisi Vaxtanq Kikabidze Ukrayna mediasına müsahibəsində söyləyib.

Onun qənaətincə, bu gün Ukraynada yaşananlar yüzdə yüz Gürcüstandakı ssenarinin təkrarıdır.

“Bu, nə ilə qurtaracaq – söyləmək çox çətindir. Hər şey dünya birliyindən asılıdır - əgər onlar ciddi sanksiyalar qəbul edəcəklərsə, təbii ki. Bundan əlavə, nəticə Ali Radaya seçiləcək insanlardan da asılıdır. Əgər onlar düzgün adamlar olsa, ciblərini deyil, ölkəni düşünsələr, hər şey çox tez yekunlaşa bilər. Müharibə çox uzansa, Ukraynanın ayağa durması çətin olacaq” – deyib Kikabidze.

Putini “qara qüvvə”in təmsilçi və işğalçı adlandıran aktyor əlavə edib: “Mən təbliğatçı deyiləm, amma səmimi deyəcəyəm: ukraynalı olsaydım, Putini heç vaxt bağışlamazdım”.