Qayana Essekibo bölgəsinə görə Venesuela ilə ərazi mübahisəsinə görə ABŞ-la hərbi əməkdaşlığı inkişaf etdirmək niyyətindədir. Elchi.az xəbər verir ki, bu barədə ölkə prezidenti Məhəmməd İrfaan Əli “BBC News Mundo”-ya müsahibəsində bildirib.
“Bu, bizim müdafiə strategiyamızın bir hissəsidir və biz onun üzərində qurmağa davam edəcəyik. Bizim daha çox təlim və mübadilə proqramlarımız olacaq və əlbəttə ki, təkcə ABŞ-la yox”, – Qayana rəhbəri izah edib.
Prezident həmçinin qeyd edib ki, ölkə hökuməti Qayananın suverenliyini və ərazi bütövlüyünü qorumaq üçün lazım olan hər şeyi edəcək, lakin beynəlxalq tərəfdaşlardan kömək gözləyir, bu da ölkədə Amerika hərbi bazasının açılması deməkdir.
Bundan əvvəl Venesuela və Qayananın Essekibo ilə bağlı danışıqlar aparacağı məlum olub. Danışıqlar üzrə razılaşmadan əvvəl Braziliya prezidenti Luiz İnasio Lula da Silva ilə San Vinsent və Qrenadin baş naziri arasında Venesuela lideri Nikolas Maduro ilə telefon danışığı aparıldığı dəqiqləşdirilir.
Havar Şəfiyeva
Son şərhlər