Macarıstanın baş naziri Rusiya prezidenti Vladimir Putinlə Macarıstanın maraqlarına uyğun olarsa, görüşməyə hazırdır. Elchi.az xəbər verir ki, bu barədə macar siyasətçi “Mandiner”ə müsahibəsində bildirib.
Onun sözlərinə görə, Qərb ölkələri təkəbbürlərinə görə Rusiya prezidenti ilə görüşmək istəmirlər, lakin siyasət reallıq və nəticələrdir. O, macar xalqının maraqları tələb edərsə, Putinlə danışıqlar aparacağını qeyd edib və buna Avropa İttifaqının rəyinin təsir etməyəcəyini vurğulayıb.
Macarıstanın baş naziri əlavə edib: “Əgər xüsusi maneələr yoxdursa, onda biz həmişə görüşməli, həmişə danışıqlar aparmalıyıq”.
Orban daha əvvəl bildirib ki, o, Avropa İttifaqının səhvə yol verməsinə və Ukrayna ilə üzvlük danışıqlarına başlamağa imkan verməyəcək. Onun fikrincə, Ukrayna indi üzvlüklə bağlı danışıqlara başlamaq vəziyyətində deyil və Brüsselin planlarını yalnız qısamüddətli mülahizələr diktə edir.
Havar Şəfiyeva
Son şərhlər