Makron müstəmləkəçilik dövrü üçün Əlcəzairdən üzr istəməyi lazım görmür

Fransız tarixçisinin məruzəsindən sonra üzr istəmə məsələsi müzakirə olunur.
Elchi.az xəbər verir ki, Fransa prezidenti Emmanuel Makron müstəmləkəçilik dövrü üçün Əlcəzairdən üzr istəməyi lazım saymadığını, lakin iki ölkəni barışdırmaq üçün səyləri davam etdirmək üçün Əlcəzair lideri Abdelmajid Tebbuneni Parisdə qəbul edəcəyinə ümid etdiyini qeyd edib.
“Mən bağışlanma istəməyə ehtiyac görmürəm, məsələ bu deyil, çünki bu jest bütün əlaqələri qıra bilər. Ən pisi, üzr istədiyimizi söyləmək və sonra ayrı yollarımıza getmək olardı”, – Fransa lideri “Le Point” həftəlik nəşrinə müsahibəsində deyib.
İki ölkəni barışdırmaq üçün addımları açıqlayan, lakin tövbə və üzr istəməyi istisna edən fransız tarixçi Benjamin Storun hesabatından sonra üzr istəmə məsələsi müzakirə olunur. “Müharibə var idi. Üzr istəsən də, üzr istəməsən də, heç nəyi düzəldə bilməyəcəksən. Biz tarixə qayıtmalı və ona düzgün qiymət verməliyik”, – Makron bildirib.
Fransa lideri, həmçinin milyonlarla həmvətənlərinin iki ölkənin tarixi ilə bağlı olduğunu deyib və Makronun sözlərinə görə, səfərinin ölkələr arasında “dostluğun möhkəmləndirilməsi işini davam etdirməyə” imkan verəcək Əlcəzairli həmkarına edilən dəvəti xatırladıb.

Şayəstə