İranın Baş Qərargah rəisi general Əmir Hatəminin Zülfikar Komandanlıq Bazasında lentə aldığı xəritə şəkli daşıdığı regional mesajla diqqət çəkib.
Elchi.az xəbər verir ki, İranın Baş Qərargah rəisi general Əmir Hatəmi 23 iyun 2025-ci ildə Zülfikar Mərkəzi Qərargahında yüksək rütbəli hərbi rəsmilərlə böhranlı iclas keçirib.
İran Ordusu Mətbuat Xidmətinin təqdim etdiyi kadrlarda Hatəminin nəhəng Yaxın Şərq xəritəsi və lazerlə işarələnmiş bölgələr qarşısındakı qiymətləndirməsinin əsas müzakirələrə səbəb olması ilə bağlı mübahisələrə səbəb olub.
İrandan xəritə ilə mesaj
Zülfikar Komandanlıq Mərkəzinin yüksək rütbəli hərbi rəsmiləri ilə video danışıq zamanı danışan Hatəmi, “Amerikalılar hər dəfə cinayət törədəndə qəti cavab aldılar və bu dəfə də belə olacaq” – deyib.
Vizual təhlilə əsasən, işarələnmiş nöqtə Kərəcin şimalına, Zəncan xəttinə və Həmədan bölgəsinə, eləcə də qərbdən Tehrana yaxınlaşan nəqliyyat və daşıma dəhlizlərinə uyğun gəlir. Sözügedən ərazi İranın müdafiə və raket infrastrukturunun cəmləşdiyi və İraq və Türkiyə sərhədlərinə qədər uzanan strateji tranzit xətti kimi tanınır.
İran İnqilabından sonra ABŞ-ın İrana qarşı hücumlarda çoxlu cinayətlər törətdiyini bildirən Hatəmi, “ABŞ xüsusilə İran-İraq müharibəsinin son mərhələsində birbaşa müdaxilə etdi. Bu dəfə cavabımız daha qətiyyətli və daha güclü olacaq” – deyib.
Hatəmi vurğulayıb ki, İran xalqı cümə günü hökumət və orduya dəstək üçün meydanlara toplaşıb. “Ordu xalqa qurbandır” prinsipinə sadiq olduqlarını bir daha vurğulayan Hatəmi bu dəstəyin İran Silahlı Qüvvələrini daha güclü müdafiə həyata keçirməyə təşviq etdiyini bildirib.
Nuranə Məmmədova
