İranın yarı rəsmi Fars Xəbər Agentliyi adı açıqlanmayan bir İran rəsmisinin ABŞ prezidenti Donald Trampın elan etdiyi İran-İsrail atəşkəs razılaşmasını təkzib etdiyini açıqlayıb.
Elchi.az xəbər verir ki, Fars Xəbər Agentliyinə danışan adı açıqlanmayan İran rəsmisi, “ABŞ prezidenti Donald Trampın təklif etdiyi atəşkəs planı tamamilə yalandır və ictimaiyyəti ABŞ-ın regiondakı bazalarına hücumları ilə son rüsvayçılığından yayındırmaq üçün təklif edilib” deyib.
İrandan heç bir rəsmi və ya qeyri-rəsmi atəşkəs təklifinin alınmadığını bildirən rəsmi deyib: “İran İslam Respublikası bu media mühitinə cavab olaraq bu iddianın yalan olduğunu yaxın bir neçə saat ərzində əməli və meydanda sionist rejimə (İsrail) göstərəcək”.
ABŞ prezidenti Donald Tramp bu yaxınlarda İsrail və İran arasında “tam və tam atəşkəs” əldə edildiyini və bununla da müharibənin sona çatdığını elan etdi.
Şayəstə Hüseynova
