Tramp: Rusiya, Çin və ABŞ arasındakı danışıqlarda Ukrayna böhranı da yer alacaq.
Elchi.az xəbər verir ki, Ağ Evin mətbuat qrupuna istinadən xəbər verilir ki, ABŞ Prezidenti Donald Tramp Rusiya, ABŞ və Çin arasında keçirilə biləcək üçtərəfli danışıqlarda Ukraynadakı münaqişənin həlli məsələsinin müzakirə olunacağını bildirib.
Vaşinqton yaxınlığındakı “Joint Base Andrews” (Endryus Birgə Bazası) ərazisində jurnalistlər ABŞ liderindən Ukrayna məsələsinin müzakirələrə daxil edilib-edilməyəcəyini soruşublar.
Tramp cavabında deyib: “Dəqiq deyə bilmərəm, çünki söhbət təkcə bundan getmir. Nüvəsizləşdirmə məsələsi də müzakirə olunacaq. Yəni, məsələ bununla məhdudlaşmır”.
Bir gün əvvəl Rusiya prezidentinin köməkçisi Yuri Uşakov Vladimir Putinlə ABŞ prezidentinin xüsusi nümayəndəsi Stiven Vitkoff arasında Sankt-Peterburqda keçirilən görüşlə bağlı təfərrüatları açıqlayıb. Uşakovun sözlərinə görə, Moskva Ukrayna böhranının həlli ilə bağlı Vaşinqton və Kiyevlə üçtərəfli danışıqları artıq bu ilin noyabr ayında bərpa etməyə hazırdır.
Uşakov qeyd edib ki, münaqişə artıq yekunlaşma mərhələsinə doğru irəliləyir. Bundan əlavə, tərəflər “dizel sövdələşməsi”ni, Rusiya, ABŞ və Çin liderləri arasında mümkün görüşü, eləcə də amerikalı muzdlu döyüşçü Stiven Habbardın vətəninə qaytarılması məsələsini müzakirə ediblər.
Şayəstə
