İran İnqilab Keşikçiləri Korpusunun Hərbi Dəniz Qüvvələri Komandanlığı Hörmüz boğazının, xüsusən də ABŞ və İsrail üçün heç vaxt əvvəlki vəziyyətinə qayıtmayacağını bildirib.
Elchi.az xəbər verir ki, İran İnqilab Keşikçiləri Korpusunun Hərbi Dəniz Qüvvələri Komandanlığı sosial media hesabı vasitəsilə bu məsələ ilə bağlı açıqlama verib.
Bəyanatda deyilir: “Hörmüz boğazı, xüsusən də ABŞ və İsrail üçün heç vaxt əvvəlki vəziyyətinə qayıtmayacaq”.
Qeyd olunub ki, İran rəsmilərinin bildirdiyinə görə, İnqilab Keşikçiləri Korpusunun Hərbi Dəniz Qüvvələri “Fars körfəzi üçün yeni qayda” layihəsi üçün əməliyyat hazırlıqlarını başa çatdırmaq üzrədir.
Fars körfəzi üçün yeni sərəncam layihəsi
Hörmüz boğazından keçid üçün rüsumların tətbiqini nəzərdə tutan qanun layihəsinin 31 martda İran Parlamentində Milli Təhlükəsizlik Komissiyasından keçdiyi bildirilib.
Qanun layihəsinə “maliyyə tənzimləmələri və ölkənin milli valyutası olan riala əsaslanan tranzit rüsumlarının tətbiqi; ABŞ və İsrail üçün tranzit qadağası; İrana qarşı birtərəfli sanksiyalarda iştirak edən ölkələrin qadağan edilməsi; İranın suveren rolunun və silahlı qüvvələrinin səlahiyyətlərinin həyata keçirilməsi; boğazların və dəniz nəqliyyatının təhlükəsizliyi; ətraf mühit məsələləri; və Omanla hüquqi əməkdaşlıq” kimi müddəaların daxil olduğu bildirilib.
Şayəstə
