Hindistanda 2014-cü ildən hakimiyyətdə olan millətçi Nerandra Modi hökumətinin ölkənin adını “Bharat” olaraq dəyişdirməyə hazırlaşdığına dair iddialar müzakirələrə səbəb olur.
Elchi.az xəbər verir ki, sentyabrın 9-10-da paytaxt Yeni Dehlidə keçirilməsi planlaşdırılan G20 Sammitinin açılış naharına dəvətdə Prezident Droupadi Murmunun “The Prezidenti” əvəzinə “Bharat Prezidenti” kimi yazılması müzakirə edilib.
Daha sonra məlum oldu ki, İndoneziya Cənub-Şərqi Asiya Millətləri Assosiasiyasının (ASEAN) Sammiti üçün Modiyə göndərdiyi dəvətdə “Hindistan” əvəzinə “Bharat” adından istifadə edib.
Modinin lideri olduğu Bharatiya Janata Partiyasının (BJP) sözçüsü Sambit Patranın X sosial media platformasında paylaşdığı dəvət məktubunda Modinin “Bharat Baş Naziri” olaraq təyin olunması diqqət çəkib.
Müxalifət Modi hökumətinin ölkənin adını “Bharat” olaraq dəyişdirməyə hazırlaşdığını iddia etsə də, hökumət tərəfdarları bu addımın onun müstəmləkə keçmişindən uzaqlaşmaq anlamına gəldiyini iddia edirlər.
1947-ci ildə ölkə müstəqillik əldə etdikdən sonra müzakirə edilən məsələnin qarşıdakı dövrdə də gündəmi zəbt edəcəyi gözlənilir.
Şayəstə Hüseynova
Son şərhlər