Çin xarici işlər naziri Vanq Yi Pakistanın vitse-baş naziri və xarici işlər naziri Məhəmməd İshaq Dar ilə telefon danışığı aparıb.
Elchi.az xəbər verir ki, Dar Vanqa ölkəsinin vasitəçiliyi ilə İran-ABŞ danışıqlarındakı son inkişaflar barədə məlumat verib. Dar Pakistanın səylərini dəstəklədiyinə görə Çinə təşəkkür edib və regional sülh və sabitliyin qorunmasında Çinlə koordinasiyanı və əməkdaşlığı gücləndirməyə ümid etdiyini bildirib.
Söhbət zamanı Vanq Çinin prinsiplərini və mövqeyini bir daha təkrarlayıb, Pakistanın ABŞ və İran arasında danışıqları təşviq etmək və müvəqqəti atəşkəsin uzadılması səylərini təqdir edib. Vanq bildirib ki, Çin Pakistanın etibarını qoruyub saxlayacağına və vasitəçilik səylərini daha da gücləndirəcəyinə, Hörmüz boğazının yenidən açılmasına və regionda sülhün mümkün qədər tez bərqərar olmasına töhfə verəcəyinə ümid edir. Vanq həmçinin bildirib ki, Çin Pakistanın vasitəçilik səylərini dəstəkləməyə davam edəcək və bu mövzuda öz töhfələrini verəcək.
Şayəstə
