Çin NATO-nun Rusiya və Çini dünya müharibəsinə sürükləmək istəyinə işarə edib

NATO-nun baş katibi Yens Stoltenberqin Rusiya və Çinlə bağlı açıqlaması alyansın dünya müharibəsi başlatmaq istəyindən xəbər verir.
Elchi.az xəbər verir ki, bu barədə Çinin “Global Times” qəzeti yazıb.
Qeyd olunur ki, Şimali Atlantika Alyansının baş katibi Ukrayna böhranını artıq Avropa ilə məhdudlaşdırmır, buna qlobal geosiyasi münaqişə kimi baxır. Stoltenberqin Çinin “uzunmüddətli perspektivdə ən ciddi təhlükə” olması ilə bağlı sözlərini şərh edən məqalə müəllifi vurğulayır ki, bu cür bəyanatlar ictimai rəyi Ukraynada münaqişənin dünya müharibəsinə çevrilməsinə hazırlayır.
Bundan əlavə, nəşr yazır ki, blokun genişlənməsi NATO üçün daxili ehtiyac, müharibə isə xarici ehtiyacdır. Materialda deyilir: “Müharibə olmasaydı, bu hərbi təşkilat öz mövcudluğunun mənasını itirərdi. Xüsusilə, NATO Asiyaya genişlənməyə başlamağı planlaşdırır ki, bu da qlobal geosiyasi gərginliyi gücləndirəcək, silahlanma yarışına gətirib çıxaracaq və regional münaqişələrə səbəb olacaq.
Bir müddət əvvəl NATO-nun baş katibi Yens Stoltenberq uzunmüddətli perspektivdə Çin təhlükəsinin ən ciddi olduğunu , Rusiya təhlükəsinin isə ən aktual olduğunu bildirib. Bundan başqa İran və Şimali Koreya da narahatlıq doğurur . O qeyd edib ki, bu ölkələr birləşərək, sanksiyalardan və təzyiqlərdən yan keçərək, dollara əsaslanan qlobal maliyyə sistemini zəiflədir.

Nuranə Məmmədova