Bakıda bu avtobuslar yenilənir – Rəsmi
Paytaxtın Günəşli qəsəbəsini Sabunçu dəmiryol stansiyası ilə əlaqələndirən 40 nömrəli marşrutda istismar olunan avtobuslar yenilənir.
AYNA-dan Elchi.az-a verilən məlumata görə, köhnə avtobuslar 18 ədəd yeni, 2025-ci il istehsalı olan "King Long" markalı avtobuslarla əvəz edilib. Həmin avtobuslar müasir, ekoloji cəhətdən təmiz CNG texnologiyası ilə təchiz olunub.
Yeni avtobusların xətlərə buraxılması ilə bu marşrut üzrə hərəkət intervalı 6-7 dəqiqə təşkil edəcək.
Qeyd edək ki, avtobuslar mayın 26-dan sərnişinlərin xidmətinə veriləcək.
Əlavə edək ki, avtobuslarda ödəniş nağdsız qaydadadır.
