Tunis prezidenti Kays Səid Fələstinlə həmrəy olduqlarını və müstəqil Fələstin üçün çalışmağa davam edəcəklərini bildirib.
Elchi.az xəbər verir ki, Fransa əsgərlərinin ölkədən çıxmasının 60-cı ildönümü münasibətilə Binzert vilayətində keçirilən tədbirə qatılan Tunis prezidenti Səid Fələstinlə həmrəylik mesajı verib.
Tunis dövlət televiziyasında canlı yayımlanan çıxışında Səid, “Fələstin xalqını qırğın edənlərin ölkədən çıxarılması və Fələstinin müstəqilliyi üçün hər gün çalışacağıq”,- deyib.
Səid, “Sivil olaraq xarakterizə edilən dünya humanitar qanunlar qurdu, lakin bu qanunları fələstinlilərə uyğun hesab etmirlər. Yaxın Şərqi bir daha bölmək istəyirlər. Fələstin xalqının qanuni hüquqları Qəhrəmancasına müqavimət heç vaxt itirilməyəcək, Fələstinlə həmrəyliyimiz və dəstəyimiz davam edəcək”,-deyib.
Nuranə Məmmədova
Son şərhlər