SpaceX Falcon 9 raket mərhələsi bu gün Ay səthinə düşəcək. Toqquşmanın 17 metrdən çox enində bir krater yaratması gözlənilir.
Elchi.az xəbər verir ki, NASA Yerə Yaxın Obyektlər Araşdırmaları Mərkəzinin (CNEOS) məlumatına görə, 2025-ci ilin yanvar ayında buraxılan raket parçası təsadüfən Ayla toqquşma kursuna girib.
Müstəqil astronomlar tərəfindən aşkar edilən raket mərhələsinin təxminən saatda 5400 mil (saniyədə 2,43 kilometr) sürətlə Aya çırpıldığı bildirilir.
Yer üçün heç bir təhlükə yaratmayan hadisənin təxminən beşmərtəbəli bina ölçüsündə və 4000 kiloqram ağırlığında olan raket parçasının Eynşteyn kraterinin yaxınlığında düşməsi ilə nəticələnəcəyi təxmin edilir.
Toqquşmanın səthdə 17 metrdən çox enində bir krater yaratması gözlənilir.
Nəhəng toz buludu qalxacaq
Astronomlar deyirlər ki, atmosferi və ya güclü cazibə qüvvəsi olmayan Ayda toqquşmadan sonra səthdən 50 kilometr və ya daha yüksək hündürlüyə nəhəng toz və zibil buludu atılacaq. Hadisəni izləyən alimlər NASA-nın Lunar Reconnaissance Orbiter (LRO) və Cənubi Koreyanın Danuri kosmik gəmisi ilə krater, emissiya və toz buludlarını araşdıracaqlar. Məqsəd, toqquşma nəticəsində səthə çıxarılacaq yeraltı materialların Ayın daxili quruluşu və geoloji prosesləri haqqında modellərə töhfə verməsidir.
Kosmik zibil riski artır
Toqquşma, Yer orbitində və kosmosda toplanmış süni zibil məsələsini yenidən ön plana çıxardı. Avropa Kosmik Agentliyinin (ESA) məlumatlarına görə, kosmosda 10 santimetrdən böyük təxminən 54.000 obyekt var. 1957-ci ildə Kosmik Dövrün başlanğıcından bəri kosmosa göndərilən obyektlərin ümumi kütləsi 17.000 tonu keçib.
Şayəstə
