Çin Xalq Respublikasının Avrasiya məsələləri üzrə xüsusi nümayəndəsi Li Hui Avropa ölkələrinə səfərindən sonra mayın sonunda Moskvaya gələcək. Elchi.az TASS-a istinadən xəbər verir ki, bunu Rusiya xarici işlər nazirinin müavini Andrey Rudenko açıqlayıb.
“O, Kiyevə səfərini başa vurur. bundan sonra proqram çərçivəsində Berlin, Paris, Varşava. Ayın sonunda o, bizə gələcək”, – diplomat bildirib.
Rudenkonun sözlərinə görə, səfərlərin ideyası ölkələri Çinin Ukraynada siyasi nizamlanmaya dair təklifləri ilə tanış etmək, rəy və şərhləri dinləməkdir. “Biz onu səbirsizliklə gözləyirik, bilmək istəyirik ki, o, səfərindən hansı təəssüratlar gətirəcək”, – diplomat bildirib.
Qeyd edək ki, bundan əvvəl məlum olmuşdu ki, Li Huinin Kiyevə rəsmi səfəri mayın 16-da başlayacaq. Aprel ayında Çin Prezidenti Si Cinpin Ukrayna Prezidenti Vladimir Zelenski ilə telefon danışığından sonra sülh yolu ilə nizamlanma üçün dərin məsləhətləşmələr aparmaq üçün xüsusi nümayəndəsinin Kiyevə gözlənilən səfərini elan edib.
Havar Şəfiyeva
Son şərhlər