Dünyanın ilk fərdiləşdirilmiş mRNT xərçəng peyvəndi, bir dəri xərçəngi növü olan melanomanın yenidən qayıtması və ya ölümlə nəticələnməsi riskini 42 faiz azaldıb. Mütəxəssislər bu nailiyyəti xərçəng müalicəsində tarixi bir dönüş nöqtəsi kimi qiymətləndirirlər.
Elchi.az xəbər verir ki, Avstraliyalı tədqiqatçıların xərçəngin qarşısını almaq üçün xüsusi olaraq hazırlanmış dünyanın ilk peyvəndini yaratmasından 20 il ötür. HPV peyvəndi sayəsində Avstraliya, uşaqlıq boynu xərçəngini tamamilə aradan qaldıran dünyada ilk ölkələrdən biri olmaq yolundadır.
İndi isə avstraliyalı alimlərin rəhbərlik etdiyi tədqiqatlar, bu dəfə dəri xərçəngi ilə mübarizədə daha bir mühüm mərhələyə çatıb.
İlk fərdiləşdirilmiş mRNT xərçəng peyvəndi 3-cü faza klinik sınaqlarda uğurlu olub və standart immunoterapiya ilə müqayisədə melanomanın yenidən qayıtması və ya ölüm riskini 42 faiz azaldıb. Əldə olunan nəticələr hətta alimlərin gözləntilərini də üstələyib.
Avstraliya Melanoma İnstitutunun (Melanoma Institute Australia) tibbi onkoloqu və tədqiqatın qlobal rəhbəri Corcina Lonq (Georgina Long) əldə olunan nəticələri Avropa Tibbi Onkologiya Cəmiyyətinin (ESMO) 2026-cı il konqresində təqdim edib. Nəticələrin *New England Journal of Medicine* elmi jurnalında dərc olunacağı gözlənilir.
Şayəstə
