“Qiyamət təyyarəsi” kimi də tanınan Boeing E-4B Nightwatch Vaşinqton yaxınlığında yerə enib.
Elchi.az xəbər verir ki, bu barədə İsrailin i24 telekanalı məlumat yayıb.
Bildirilir ki, iyunun 18-nə keçən gecə təyyarə Vaşinqtonun mərkəzindən 24 kilometr aralıda yerləşən Merilend ştatındakı Endryus Hərbi Hava Qüvvələri bazasına enib. Nüvə müharibəsi zamanı ABŞ prezidenti və digər yüksək vəzifəli şəxslər üçün komanda məntəqəsi kimi xidmət edən təyyarə Luiziana ştatındakı Barksdeyl Hərbi Hava Qüvvələri bazasında yerləşir və çox nadir hallarda havaya qalxır.
“Təyyarənin Vaşinqtonda enişinin dəqiq səbəbi məlum olmasa da, bu, Yaxın Şərqdə gərgin hadisələr və İsrailin İrana qarşı hərbi əməliyyatlarını genişləndirməsi fonunda baş verib “, – telekanal qeyd edir.
Nuranə Məmmədova
