Rusiya Prezidenti Vladimir Putin Qərbi münaqişəni gərginləşdirməməyə çağıraraq bəyan edib ki, Rusiyanın Baltikyanı bölgəsi olan Kalininqrad hücuma məruz qalacağı təqdirdə, Moskva bütün arsenalından – o cümlədən nüvə silahlarından – istifadə etməyə hazırdır.
Elchi.az xəbər verir ki, Moskvada keçirilən “Valday” Beynəlxalq Diskussiya Klubunun iclasında çıxış edən Rusiya lideri bildirib ki, hər hansı Avropa ölkəsinə hücum etmək planları yoxdur, lakin zərurət yarandıqda Qərbin təcavüzünə cavab verməyə hazır olduqlarını təsdiqləyib. O, xüsusilə NATO üzvləri olan Polşa və Litva arasında yerləşən Rusiya ərazisi Kalininqrada diqqət çəkib.
Kalininqrada qarşı təhdidlərlə bağlı xəbərdarlıq
Putinin xəbərdarlığı NATO-nun Kalininqrad yaxınlığında çəkindiricilik qabiliyyətini gücləndirmək məqsədilə keçirdiyi müdafiə təlimlərindən sonra səslənib.
Bu təlimlər Moskvada ciddi narahatlıq doğurmuşdu; Rusiya bəyan etmişdi ki, əgər NATO bölgəni hava və ya dəniz yolu ilə blokadaya almağa cəhd edərsə, buna cavab verəcək.
Baltik dənizində ardıcıl təlimləri və gəmilərin saxlanılması cəhdlərini qeyd edən Putin bu hərəkətləri gərginliyin artırılması kimi qiymətləndirib.
Putin xəbərdarlıq edib ki, Kalininqrada və ya potensial olaraq digər bölgələrə birbaşa hücum olacağı təqdirdə, ölkənin bütün arsenalından istifadə edilməsi qaçılmaz bir seçimə çevriləcək.
NATO, Böyük Britaniya və bəzi Avropa ölkələri Rusiyanı Ukraynaya dəstəyi sarsıtmaq məqsədilə kiberhücumlar, təxribatlar və casusluq fəaliyyətlərini əhatə edən hibrid müharibə aparmaqda ittiham edirlər.
Şayəstə
