ABŞ müdafiə naziri Lloyd Ostin İsrailin müdafiə naziri Yoav Gallant ilə telefon danışığında İsrailin Rəfah şəhərinə qurudan gözlənilən hücum planını müzakirə edib.
Elchi.az xəbər verir ki, ABŞ Müdafiə Nazirliyindən verdiyi açıqlamaya görə, Ostin və Gallant telefonla danışıblar.
Tərəflər əsir mübadiləsi razılaşma prosesini, humanitar yardım səylərini və İsrailin Rəfah şəhərinə gözlənilən quru hücumunu müzakirə ediblər.
Ostin bütün əsirlərin azad edilməsinə dair “şərtsiz öhdəliklərini” təkrarlayaraq, bölgədəki yardım işçilərinin və mülki şəxslərin təhlükəsizliyini təmin edərək Qəzzəyə humanitar yardım axınının artırılmasının vacibliyini vurğulayıb.
İsrailin Rəfaha mümkün quru hücumuna toxunan Ostin, İsrailin hücum planının bölgədəki fələstinli mülki şəxslərin təxliyyəsini və humanitar yardımların davam etdirilməsini ehtiva etməsi lazım olduğunu vurğulayıb.
Nuranə Məmmədova
Son şərhlər