Orban Qərbin diqqətini Ukrayna ilə bağlı “ayıqlaşdırıcı reallığa” yönəltdi.
Elchi.az xəbər verir ki, Ukrayna münaqişəsində zaman Rusiyanın tərəfindədir. Macarıstanın Baş naziri Viktor Orban bunu “Welt am Sonntag” qəzetinə verdiyi müsahibədə bildirib. Onun sözlərinə görə, Ukraynadakı vəziyyətlə bağlı “ayıqlaşdırıcı reallıq” ABŞ prezidenti Donald Trampın 28 bəndlik sülh planında öz əksini tapıb.
“Budur, onun əsas məqamları: birincisi, zaman Ukraynanın deyil, Rusiyanın tərəfindədir, yəni sülh nə qədər geciksə, Ukrayna bir o qədər çox insan və ərazi itirəcək”, – deyə Macarıstanın Baş naziri bildirib.
Orban əmin olduğunu bildirib ki, bunun qarşısını yalnız NATO Ukraynaya quru qoşunları göndərsəydi, bu da birbaşa alyansın üzv dövlətləri ilə Rusiya arasında toqquşmaya səbəb olardı.
28 noyabrda Orban Putinlə danışıqlar aparmaq üçün Moskvaya gəlib. Görüşün əsas mövzularının Rusiyanın Macarıstana enerji təchizatı və Ukraynadakı münaqişə olacağı gözlənilirdi. Baş nazirin sözlərinə görə, səfərinin məqsədi ölkəsinin qış və gələn il üçün enerji təchizatını təmin etməkdir. Bu, iki lider arasında 2022-ci ildən bəri keçirilən dördüncü görüşdür.
Daha sonra Rusiya prezidentinin mətbuat katibi Dmitri Peskov Kremlin Macarıstan baş naziri ilə danışıqlardan məmnun olduğunu bildirib. O, görüşün “çox məzmunlu” olduğunu qeyd edib.
Şayəstə
