ABŞ-ın Milli Aeronavtika və Kosmik Fəza Administrasiyası (NASA) “Artemida-2” missiyası çərçivəsində “Orion” gəmisinin heyəti tərəfindən çəkilmiş Ayın arxa (görünməyən) tərəfinin ilk fotoşəkilini paylaşıb.
Elchi.az xəbər verir ki, agentliyin rəsmi “X” səhifəsində paylaşılan fotoda Yerin Ay üfüqü arxasında qeyb olması görünür. NASA həmçinin bu şəkli öz səhifəsinin əsas profili (kaver fotosu) kimi yerləşdirib.
Bundan əlavə, Ağ Evin rəsmi hesabı 6 aprel tarixində baş tutan tutulmanın fotosunu paylaşıb. Şəkildə Ayın Günəşi örtərək günəş tacını üzə çıxardığı görünür. Fotoya bu sözlər əlavə edilib: “Yerdən kənarda tam tutulma. Ay Günəşi örtərək, bəşər tarixində yalnız bir neçə nəfərin gördüyü mənzərəni açır”.
Məryəm
