Amerikalı ixtiraçı və milyarder İlon Mask bu həftənin əvvəlində antisemitizm sui-qəsd nəzəriyyəsini dəstəklədiyi iddiası ilə yəhudi liderləri, Ağ Ev və reklamçılar, o cümlədən “Disney” və “Apple” tərəfindən günlərlə tənqid atəşinə tutulub.
Elchi.az bu barədə Nbcnews.com-a istinadən xəbər verir.
Mask “X”-in mikrobloqunda dərc olunan bir neçə sözə görə tənqid olundu. O yəhudiləri ağdərililərə nifrət etməkdə günahlandıran və antisemitizmə biganəlik ifadə edən başqa bir istifadəçiyə cavab olaraq yazıb: – “Sadəcə həqiqəti dedin”.
Mask ilk tvitinə cavab olaraq, antisemitizmlə mübarizə aparmaq üçün yəhudilərin qurduğu bir təşkilat olan Anti-Diffamasiya Liqasını (ADL) tənqid edib. O, bir neçə aydır ki, sosial mediada ekstremizmlə mübarizə səylərinə görə ADL ilə mübahisə edir.
Cümə axşamı səhər ADL-nin baş direktoru Conatan Qrinblatt Maskın davranışının təhlükəli olduğunu açıqladı.
“Amerikada antisemitizmin partladığı və bütün dünyaya yayıldığı bir vaxtda antisemitizm nəzəriyyələrini təsdiq etmək və təbliğ etmək üçün öz təsirindən istifadə etmək, şübhəsiz ki, təhlükəlidir”, – o, Maskın mübahisəli tvitinin skrinşotunu öz “X” səhifəsində yazıb. .
Daha sonra Ağ Ev də Maskın Amerikalılar olaraq əsas dəyərlərimizə zidd olan anti-semit və irqçi nifrəti təbliğ etdiyini bəyan etdi.
Yeganə
Son şərhlər