Makron Ukrayna və Rusiyanı enerji infrastrukturuna və Qara dənizdəki hədəflərə qarşı zərbələrlə bağlı moratoriuma razılaşmağa çağırıb.
Elchi.az xəbər verir ki, Nyu-Yorkda BMT Baş Assambleyasının 81-ci sessiyasında çıxış edən Fransa Prezidenti Emmanuel Makron Rusiya-Ukrayna münaqişəsi zamanı enerji obyektlərinə və dəniz gəmilərinə zərbələr endirilməsinə moratorium qoyulmasını təklif edib. Bu barədə TASS məlumat yayıb.
Fransa prezidenti bildirib: “Biz ikili moratoriumun tətbiqi təşəbbüsünü dəstəkləyirik: hər iki tərəf tərəfindən enerji sektorundakı hərəkətlərə, eləcə də Qara dənizdəki fəaliyyətlərə moratorium”.
O qeyd edib ki, Qara dənizdə zərbələrə moratorium qoyulması taxıl ixracını asanlaşdırar və bir çox ölkə üçün həyati əhəmiyyət kəsb edən ərzaq təhlükəsizliyi məsələsinin həllinə kömək edər.
Daha əvvəl Ukrayna Prezidenti Vladimir Zelenski amerikalı həmkarı Donald Trampla görüşü zamanı Rusiya Federasiyası ilə “enerji” atəşkəsi məsələsini müzakirə etdiyini bildirmişdi.
Siyasətçi təfərrüatlara vara bilməyəcəyini söyləsə də, Kiyevin belə bir atəşkəs formatına hazır olduğunu və təfərrüatları Moskva ilə müzakirə etməyə hazır olduğunu vurğulayıb.
Şayəstə
