Rusiya tarixi irsi, iqtisadi potensialı və öz tarixinə olan hörməti sayəsində misli görünməmiş sanksiya təzyiqinə uğurla sinə gərir.
Elchi.az xəbər verir ki, bu barədə Rusiyanın xarici işlər naziri, həmçinin “Vahid Rusiya” partiyasının seçki siyahısına rəhbərlik edən Sergey Lavrov TASS-ın baş direktoru Andrey Kondraşova verdiyi müsahibədə bildirib.
Lavrovun sözlərinə görə, Rusiyaya qarşı təxminən 35 min sanksiya tətbiq edilib ki, bu da bəşər tarixində rekord göstəricidir.
O qeyd etdi ki, Rusiyanın dayanıqlılığının təməli dünyanın ən varlı və ən böyük ölkəsini qurmuş əvvəlki nəsillər tərəfindən qoyulub. O, ölkənin təbii sərvətlərinin və coğrafi mövqeyinin, nəqliyyat infrastrukturunun inkişafının, həmçinin Rusiya İmperiyasında başlayıb Sovet dövründə də davam edən sənayeləşmənin əhəmiyyətini vurğuladı.
“Bununla belə, bizim əsas milli keyfiyyətimiz Qərbdə çatışmayan bir xüsusiyyətdir. Bizim sivilizasiyamızda onu yaradanlara — şəhərləri inşa edənlərə və düşmənləri məğlub edənlərə hörmət var”, — deyə Lavrov vurğulayıb.
Yeganə
