Fransada may ayından bəri müşahidə olunan həddindən artıq isti hava səbəbindən 8000-dən çox insanın həyatını itirdiyi bildirilir.
Elchi.az xəbər verir ki, bu yay Fransada həddindən artıq isti hava 8000-dən çox insanın ölümünə səbəb olub.
Fransa İctimai Səhiyyə Agentliyinin məlumatlarına görə, ölkədə may ayından bəri dörd ayrı isti hava dalğası müşahidə edilib.
İyulun 27-dən avqustun 20-dək davam edən sonuncu isti hava dalğası zamanı ölkənin 79 departamentində 817 əlavə ölüm halı qeydə alınıb.
Nəticədə, may ayından bəri baş verən dörd isti hava dalğası zamanı qeydə alınan əlavə ölümlərin ümumi sayı 8000-ə yaxınlaşıb.
Daha əvvəl iyulun 3-dən iyulun 22-dək davam edən isti hava dalğası zamanı bu rəqəmin 1243 olduğu açıqlanmışdı.
İctimai Səhiyyə Agentliyi isti hava dalğaları zamanı baş verən əlavə ölümlərin sayını xüsusi bir metodologiya əsasında hesablayır.
Agentlik əlavə ölüm rəqəmini müəyyən etmək üçün həddindən artıq isti hava dövründə qeydə alınan ümumi ölüm sayından normal şəraitdə gözlənilən orta ölüm sayını çıxır.
Ölkə, əlavə ölümlərin sayını hesablamaqla epidemiya və isti hava dalğaları kimi hadisələrin ictimai sağlamlığa və ölüm səviyyəsinə təsirini qiymətləndirir.
Fransa bu il 1900-cü ildə temperatur qeydlərinin aparılmağa başlanmasından bəri ən isti iyul ayını yaşadı; orta temperatur Selsi şkalası ilə 24,9 dərəcəyə yüksəldi.
Yağıntı miqdarının 70 faiz az olduğu iyul ayı, qeydlər aparılmağa başlanandan bəri üçüncü ən quraq iyul ayı kimi tarixə düşdü.
Şayəstə
