Avropa Komissiyasının sədri Ursula fon der Leyen Strasburqda Avropa Parlamentində çıxışı zamanı bildirib ki, son beş il ərzində Avropa İttifaqında müdafiə xərcləri təxminən 80% artıb.
Elchi.az xəbər verir ki, onun sözlərinə görə, Aİ öz təhlükəsizliyinin təmin edilməsinə yanaşmasını əhəmiyyətli dərəcədə dəyişib.
“Təkcə son beş ildə Avropa müdafiə xərclərini təxminən 80% artırıb”,– deyə Avropa Komissiyasının rəhbəri bildirib.
Leyen həmçinin Aİ-nin Ukraynaya dəstəyi davam etdirmək niyyətini təsdiqləyib və Avropa ölkələrinin üzləşdiyi təhdidləri – o cümlədən dronlar, hibrid hücumlar və dezinformasiyanı – sadalayıb.
Daha əvvəl İtaliyanın baş nazirinin müavini Matteo Salvini Aİ ölkələrini Ukraynadakı münaqişəni uzatmaqda ittiham etmişdi.
Yeganə
