İsrail müdafiə naziri İsrail Katz ABŞ prezidenti Donald Trampın İsrailin qoşunlarını cənubi Livandan çıxaracağına inandığına dair açıqlamasına cavab verdi. Trampa meydan oxuyan Katz dedi: “Biz Livana girmək üçün heç kimdən icazə istəməmişik və Livanda qalmaq üçün heç kimin icazəsinə ehtiyacımız yoxdur”.
Elchi.az xəbər verir ki, Müdafiə Nazirliyinin açıqlamasına görə, Katz Trampın İsrailin qoşunlarını cənubi Livandan çıxaracağına inandığına dair açıqlamasına yazılı şəkildə cavab verdi.
Katz, Livanın cənubunun işğalının İsrail vətəndaşlarını qoruduğunu iddia edərək, “Biz Livana girmək üçün heç kimdən icazə istəməmişik və Livanda qalmaq üçün heç kimin icazəsinə ehtiyacımız yoxdur” dedi.
Nazir Katz əlavə etdi:
“Hizbullah Livan boyunca silahsızlaşdırılana və şimal sakinləri üçün təhlükə aradan qaldırılana qədər, biz Livandakı təhlükəsizlik zonasında qalmağa və lazım olduğu qədər bu zonanın daxilində fəaliyyət göstərməyə davam edəcəyik”.
NATO-nun 36-cı Dövlət və Hökumət Başçıları Zirvə Görüşü üçün Ankaraya gələn Tramp dünən İsrailin Baş naziri Binyamin Netanyahu ilə Livandan çıxma məsələsini müzakirə etdiyini və İsrailin işğal etdiyi Cənubi Livandan qoşunlarını çıxaracağına inandığını bildirib.
İsrail və Livan arasında danışıqlar başlayıb
Vaşinqtondakı İsrail və Livan səfirləri ABŞ-ın vasitəçiliyi ilə danışıqlara hazırlıq məqsədilə 14 və 23 aprel tarixlərində görüşdülər.
ABŞ Dövlət Departamentində keçirilən ilk görüş “1993-cü ildən bəri ən yüksək səviyyəli birbaşa görüş” kimi qeydə alınıb.
ABŞ Prezidenti Donald Tramp 24 apreldə İsrail Baş naziri Binyamin Netanyahu və Livan Prezidenti Cozef Aunu yaxın gələcəkdə Ağ Evdə qəbul etməyi səbirsizliklə gözlədiyini bildirib.
Digər tərəfdən, İsrail ilə birbaşa danışıqlar məsələsi Livanın daxili siyasətində və ictimai rəyində ən mübahisəli mövzulardan biridir. Prezident Aun və Baş nazir Nəvaf Salam danışıqları “qan tökülməsinin dayandırılması və davamlı həll yoluna nail olmaq” üçün zəruri və yeganə seçim hesab etsələr də, Hizbullah və onun yaxın ətrafları birbaşa əlaqələri “təslim olmaq” kimi xarakterizə edərək prosesə qarşı çıxırlar. Vaşinqtonda keçirilən beşinci danışıqlardan sonra iyunun 26-da Livan və İsrail arasında “çərçivə sazişi” imzalandı.
Şayəstə
