İngiltərə kralı III Çarlz Liviyada minlərlə insanın həyatını itirdiyi sel fəlakəti ilə əlaqədar Liviya Prezident Şurasının sədri Məhəmməd əl-Menfiyə başsağlığı mesajı göndərib.
Elchi.az xəbər verir ki, Bukingem Sarayından verilən açıqlamaya görə, Kral Çarlz və xanımı Kraliça Kamilla əl-Menfiyə ünvanladıqları başsağlığı mesajında ”Daniel” fırtınası və sonrakı daşqınların yaratdığı dağıdıcı təsir və insan itkilərinə görə böyük kədər ifadə ediblər.
Mesajda Kral və həyat yoldaşının yaxınlarını itirən hər kəsə yas tutduğu, dəhşətli sel fəlakətindən həyatları və dolanışıqları zərər çəkənlər üçün dua etməyə davam etdiyi bildirilib.
“Belə ağır şəraitdə xilasetmə işlərində yorulmadan iştirak edən hər kəsə heyranam və onların fədakar cəsarətini tanıyıram. Bilirəm ki, hökumətim sizin ehtiyaclarınızı dəstəkləməyə hazırdır.”
Şayəstə Hüseynova
Son şərhlər