Bunların yaşadığı dinin adı nədir görəsən?
“”Dini ədəbiyyatı oxuyanları qəbul etməməyimin səbəbi var. Çünki onlar birmənalı şəkildə deyirlər ki, dünyəvi kitabları oxumaq haramdır.
Onlar məsciddə yığılırlar. Biri gəlib dünyəvi ədəbiyyatdan birini götürmüşdü. Onu az qala döyürdülər ki, sən ancaq Quran və dini ədəbiyyat oxumalısan. Bizsə deyirdik ki, hər iki janrdakı kitabları oxuyun, çünki biz dini ədəbiyyatı da oxuyurduq və polemika zamanı hazırlıqlı idik.” Bu ifadəni keçmiş müsavatçı məhbus Tofiq Yaqublu həbsxanadakı durumu təsvir etdiyi müsahibəsində deyib. Düşündürücü və həm də acınacaqlıdır.
Bunların yaşadığı dinin adı nədir görəsən? İslamdırsa, İslam dinində insanlara Quran və dini ədəbiyyatdan başqa kitab oxuma deyə heç bir göstəriş yoxdur. Bu göstərişi kim veribsə və ya uydurubsa, nadandır, cahildir, geri zəkalıdır. Avtomobil haqqında, texnika haqqında, fəlsəfəyə aid, iqtisadiyyata aid, astronomiyaya aid, tarixə aid heç nə oxuma ki, mən dindaram, təmiz müsəlmanam. Dünyanın söz ustalarının romanlarını, hekayələrini, şeirlərini oxuma ki, bunlar küfrdür. İndi bu müsəlman tipini avropalı, amerikalı əzib-tapdalamasın, neyləsin?
Fikrimcə, ən sağlam müsəlman, Quranı da, dini ədəbiyyatı da oxuyub-öyrənən, eyni zamanda müasir bədii ədəbiyyatı mütailəsi olan, müasir elm sahələrinə aid kitabları imkan dairəsində oxuyub öyrənən hazırlıqlı, bilgili insandır. Kafir dediyinin paltarını geyir, maşınını minir, təyyarəsində uçur, hazırladığı qidanı yeyir, yazdığı kitabı oxumur. Bu insan tipi yetişdirənlərə həqiqətən yazığım gəlir.”
Fazil Mustafa, millət vəkili
Son şərhlər