Son oyununu İtaliyanın məşhur “İnternational” klubu keçirən və hakim haqsıqlığı nəticəsində UEFA-nın ən güclü 16 komandası arasına adını yazdıra bilməyən “Qarabağ” Futbol Komandası bu günə qədər qazandığı uğurlara daha birini də əlavə edib.
Elchi.az xəbər verir ki, “Qarabağ” uğurları ilə dünya miqyasında daşıdığı adı ciddi şəkildə tanıda bilib. Hazırda “google trends”-də “karabakh” sözünün axtarışı 260% artıb . Əlbəttə, bu “Qarabağ” FK-nın Azərbaycana ən böyük xidmətidir.
Lakin mənfur düşmənlər “Qarabağ”ımızın bu uğurundan istifadə edərək QARABAĞIMIZI bizdən bir qədər də uzaqlaşdırmağa çalışıb. Keçək mətləbə. Bu yerdə qeyd etməliyik ki, “google”da KARABAKH sözünü yazıb axtarış verildiyi zaman qarşımıza heç də “Qarabağ” FK-nın və Azərbaycanın arzuladığı mənzərə çıxmır.
Belə ki, google trendlərində yüksəlişə qalxan “karabakh” bu dəfə də erməni məkrinin qurbanı olub. Dünya miqyasında etibarlı mənbə kimi tanınan wikipedia.org -da “KARABAKH” səhifəsi Azərbaycanın işğal olunmuş ərazisi olan Qarabağın ermənilərə aid olmasını təbliğ edir. Tarixi Azərbaycan torpaqlarını “historical Artsakh” olaraq təbliğ edən düşmənlər, wiki materialın hazırlanması zamanı istifadə edilən mənbələri də özlərinə sərf edən formada təyin ediblər.
Təbii ki, son günlər hər bir azərbaycanlının qəlbini fəth edən “Qarabağ” FK-nın uğurundan düşmənin öz məkirli niyyətləri üçün istifadə etməsinin qarşısını almaq, informasiya savaşında onlardan bir addım irəlidə olmaq bizim borcumuzdur. Hesab edirik ki, Elchi.az-ın ortaya çıxardığı bu naqis məqamı Azərbaycan dövləti ciddiyə alacaq və düşmənin informativ məğlubiyyətinin təmin olunması üçün lazımi addımlar atılacaq.
Elchi.az
Son şərhlər