Əfqanıstanda, Qanzi əyalətində Taliban hərəkatı müəllimlərin saqqallarını qırxdıqları üçün iki məktəbi bağlayıb. Elchi.az xəbər verir ki, bu barədə “Hasht-e Subh” qəzeti məlumat yayıb.
Hər iki məktəb oktyabrın 2-də Əmr və Qadağalar Nazirliyinin yerli bölməsi tərəfindən bağlanıb. Müəllimlərin saqqallarını qırxması ilə yanaşı, bu qərarın səbəblərindən biri də müəllimlərin hicab geyinmə qaydalarına əməl etməməsidir.
Həmçinin güman edilir ki, Taliban hərəkatının müxtəlif cinslərdən olan uşaqların ayrı-ayrılıqda təhsil alması üçün müəyyən etdiyi qaydalara əməl etməsinə baxmayaraq, Qanzidə qızlara təhsil verdikləri üçün iki uşaq təhsil mərkəzini bağlaya bilər.
Havar Şəfiyeva